Equí podeis ver el textu íntegru de la noticia espublizada en asturnews:
Los próximos díes 23, 24 y 25 de mayu, la estación d'autobuses de Llangréu va acoyer la “II Muestra Cultural Tolo d ’Asturies”. Durante tola selmana van tener cabida nel recintu ferial músicos de diversos ámbitos de la escena asturiana, esposiciones d'instrumentos, vestimenta y artesanía tradicional, xuegos y deportes, puestos de venta de productos gastronómicos tradicionales y una feria del discu y del llibru n'asturianu. L'eventu ta organizáu pol Ayuntamientu de Llangréu.
El 24 de mayu entama oficialmente la Muestra pero un día antes va cellebrase un conciertu (a les 22:00 hores) nel que van participar Nuberu, los vascos del Iñaki Diéguez Tríu y los gallegos Marfiul. Al día siguiente, 24 mayu, a les 12:00 hores tendrá llugar la inauguración oficial de la feria cola apertura de la I Feria del discu y el llibru n’asturianu, los puestos de venta, y les distintes esposiciones. Na inauguración van participar dellos grupos de baille tradicional y la Banda Gaites del Conceyu de Llangréu.
Pa esti sábadu tamién tan previstes les actuaciones del grupu aragonés Alfaye/Martín (13:30 hores), Xentiquina, embaxi dirección de Nacho Fonseca (18:00), y la bandina tradicional "A Seques". A les 22:00 hores va tener llugar el platu central del día con un conciertu nel que van tar tocando Dixebra, Los Chiquitrinos ya'l grupu bretón Hammon Martín-Quintet.
La xornada dominical entama a les 13:30 hores, col recital de tonada asturiana al cargu d'Avelino Fernández Corte, Fernando Valle Roso y Marisa Valle Roso pa siguir a les 18:00 col conciertu del llangreanu Héctor Braga y rematar con un homenaxe un a la música d'acurdión, nel que van tomar parte dellos curdionistes vieyos y mozos cola embaxo la coordinación de Xose Antón Fernández "Ambás".
3 comentarios:
Bon programa, elli taré. Per guapu el cartel na más que l'instrumentu na semeya paez ser una trikitixa non un curdión.
Paezmelo polos baxos que na triki al non tenelos bisonoros alcuentrense más botones, pero igual me equivoco y ye un curdión con más baxos pero la pinta ye de trikitixa. Na más ye un comentariu.
Chus Solis
Esti Chus Solis entiende la de DIOS... a Mi gustame'l cartel tamién... Pero esi amarillo... Nun sé ¿Qué pantone ye?... Ye una amarillo auto o ye la resolución del mio ordenador...?? Nun sé si me equivoco... jeje
No yo no se la de DIOS se la de MI MADRE... jejeje, lo que si se ye que yo firmo los mios cometarios y tu non te atrevés, tu sabrás por que. De toes, son cometarios a ver si agora un non pue dedir lo que-y paezca meyor, si l' asociación non los quisiera, non dexaria l`espaciu pa facelos.
Un abrazu calenturientu.
Chus Solís
P.D. a mi tampoco me presta del tou l'amariellu jejeje.
Publicar un comentario